Zurück zum Auswahlmenü

Fuchsia kennzeichnet Text aus einer Vorurkunde (Kleindruck in den MGH),
Grün kennzeichnet verunechtete Diplome und
Rot kennzeichnet unechte Diplome.

489: Heinrich bestätigt der bischöflichen Kirche zu Speyer die Vogtei der Abtei Hornbach und stellt die Rechte des Vogtes fest.
Speyer 1105 Februar 15.

In nomine sancte et individue trinitatis. Invocatio
Heinricus dei gratia tertius Romanorum imperator augustus.Intitulatio
Quoniam gloriam et honorem nostrum et in presenti corroborari et in futuro nos feliciter clarificari credimus, si deo ipsiusque sanctis devotum servitium impendimus, ecclesias dei ubique ditare exaltare et glorificare ad laudem divinam pro viribus laboramus; precipue autem ecclesiam Spirensem a nostris parentibus Cunrado imperatore augusto, avo videlicet nostro, et Heinrico imperatore augusto, patre videlicet nostro, et a nobis gloriose constructam veneramur et quam pluribus prediis et mancipiis diversisque ornamentis ad honorem dei sancteque dei genitricis Marie celebramus. Arenga
Huic etenim ecclesie abbatiam Hornbach a nostris parentibus antiquitus fundatam et privilegiis Pippini, Karoli, Lothuwici, Lotharii, Ottonis aliorumque imperatorum auctoritatibus confirmatam contulimus attendentes videlicet devotum servitium et petitionem fidelis nostri Iohannis Spirensis episcopi, in cuius tempore satis magnus motus inter eundem Iohannem Spirensem antistitem et inter eiusdem ecclesie advocatum exortus est - episcopo quidem ecclesiam et familiam defendere laborante, advocato autem devastare et diripere summe contendente -, Narratio
donec tandem a nostra clementia eadem advocatia Spirensi ecclesie donata est - priori iustitia privilegiis predictorum regum et imperatorum confirmata plenarie et integre servata -, ut videlicet advocatus advocatiam a Spirensi episcopo, episcopus vero a regali vel imperiali dignitate suscipiat; suoque beneficio advocatus, quod ad advocatiam pertinet, contentus sit et neque Hornbach neque ad alia quelibet eiusdem advocatie loca pro qualibet ibi re discutienda ventilanda vel diffinienda, nisi ab abbate vel ab aliquo, qui ad eandem advocatiam pertinet, vocatus, veniat: ipso abbate ipsiusque villico de omnibus, que ad querelam veniunt, libere placitante et diffiniente. Hoc quoque a prioribus regibus et imperatoribus corroboratum nos quoque nostra imperiali dignitate addimus et precipiendo confirmamus, ut nullus comes, nullus regie vel iudiciarie potestatis exactor aliquam exactionem vel placitationem cum eiusdem monasterii hominibus habeat. Dispositio
Et ut hec nostra traditio stabilis et inconvulsa in omne futurum evum permaneat, presentem cartam scribi in testimonium nostroque sigillo insigniri precepimus eamque manu propria corroboravimus.Corroboratio
Signum domini Heinrici tertii Romanorum imperatoris invictissimi.Signumzeile
Herlungus cancellarius vice archicancellarii Rothardi recognovit.Rekognition
Acta XV kal. mart. anno ab incarnatione domini millesimo CV, indictione XIII, regnante Heinrico tertio Romanorum imperatore augusto anno LI, imperante autem XX; data Spire;Datierung
in Christi nomine ad salutiferam memoriam Heinrici tertii Romanorum imperatoris augusti feliciter amen.Apprecatio

Fuchsia kennzeichnet Text aus einer Vorurkunde (Kleindruck in den MGH),
Grün kennzeichnet verunechtete Diplome und
Rot kennzeichnet unechte Diplome.

Letzte Änderung: Mon May 1 16:33:42 2000
Bernhard Assmann, b.assmann@uni-koeln.de