| predium quoddam Rotenuels dictum in pago Vfgouwe in comitatu Vorcheim Herimanni scilicet comitis situm cum omnibus utlitatibus ad idem predium pertinentibus sancte Spirensi ecclesie in proprium delegavit, ea videlicet ratione ut fratres deo sancteque Marie in prenominata ecclesia servientes eodem predio ad suam prebendam uterentur. Aliquanto deinde tempore transacto quidam ingenuus homo nomine Werinhardus, qui in eodem pago quedam predia hereditario iure possedit, magnam partem prediorum, que ad predictam curtem Rutenuels pertinebant, iniuste occasione vincinitatis sibi usurpavit castrumque inibi Michelenbach dictum violenta dominacione construxit. Quam iniuriam cum parens noster a fratribus Spirensis ecclesie cognosceret, prefatum Werinhardum ad iniusticiam compulit et per iuramentum, quod sibi fecit, ad hoc eum constrinxit, ut non prius pedes suos nudos videret, quam idem castrum penitus dirueret et cuncta fratribus iniuste ablata restitueret. Post obitum vero parentis nostri eiusdem Werinhardi filii, Cuno videlicet designatus Argentinensis episcopus, Eberhardus et Werinhardus patris peccatum iterantes predictum castrum reperaverunt et multo plura predia quam etiam pater ipsorum fratribus abstulerunt. Quod scelus dum nostre imperali dignitati fratres Spirenses, maxime autem fidelis noster Iohannes Spirensis episcopus deferent, in memoriam revocavimus, quoniam beata dei genitrix virgo Maria de multis et magnis tribulacionibus nos sepissime liberavit, et iniuriam ei illatam vindicare zelo iniusticie vehementer accensi Cunonem episcopum et ipsius advocatum et fratres ipsius Eberhardum et Werinhardum predictum castrum cum prediis fratribus iniuste subductis Iohanni Spirensi episcopo et ipsius advocato cum composicione sua secundum iustitiam reddere coegimus. Et ut omnem deinceps occasionem predicta predia sancte Marie invadendi et diripiendi eidem Cunoni episcopo totique cognacioni ipsius penitus aufferremus, quicquid predii in eodem pago habuerunt, cum ipsorum voluntate ab eis acquisimus; idem autem predium in subscriptis villis situm Liudfrideswilri, Oberinwilri, Winkele, Echilbach, Frierlindigiswendi, Hirzbuel, Elchisheim, Meriuelt, Bukinesheim, Odinkheim. Quicquid igitur predii in predictis villis habuerunt, cum omnibus utilitatibus ad idem predium pertinentibus, agris videlicet vineis pratis molendinis aquis aquarumque decursibus piscacionibus venacionibus exitibus et reditibus cultis et incultis et quocumque modo eis serviunt, nobis et advocato nostro, quem ad hoc nobis negocium delegimus, et ipse Cuno episcopus per manum sui advocati Brunonis et ipsius fratres Eberhardus et Werinahrdus multis principibus astantibus donaverunt. Quoniam igitur summam spem semper et de presenti nostri honoris statu et de felici future vite gaudio in beate Marie virginis intercessione habuimus, predicta predia, sicuti nobis data sunt, pro nostra et filii nostri regis Heinrici presenti et futura salute et pro remedio animarum nostrorum parentum avi videlicet Cunradi imperatoris et ave nostre Gisele imperatricis patrisque, nostri Heinrici imperatoris matrisque nostre | Et ut hec nostre tradicionis et constitucionis imperialis auctoritas stabilis et inconvulsa omni evo permaneat, hanc cartam inde conscriptam manu propria corroborantes sigilli nostri impressione iussimus insigniri. | Corroboratio |