| In nomine sancte et individue trinitatis. | Invocatio |
| Heinricus divina favente clemencia rex. | Intitulatio |
| Salutem a salute nobis bene rogamus, cum illam dominam, per quam salus venit, eciam nostris carnalibus honorando deum precibus pulsamus. Hec domina, per quam salus venit, mater est et virgo Maria, que dominum Iesum veram salutem virgo genuit. Unde pro nostris necessitatibus ei carnalia nostra inpendimus, quam specaliter nobis fautricem affuisse sepe didicimus. | Arenga |
| Ergo sancte dei genitrici virgini Marie Spirensi, ubi Huozmannus episcopus est, predium quoddam, scilicet Eschinewage in pago  in comitatu Heinrici comitis situm cum omnibus appendiciis, hoc est utriusque sexus mancipiis areis edificiis pratis pascuis silvis venacionibus terris cultis et incultis viis et inviis aquis aquarumque decursibus molis molendinis piscacionibus exitibus et reditibus quesitis et inquirendis ac cum omni utilitate, que vel scribi vel nominari poterit, in proprium dedimus atque tradidimus, ea condicione ut canonici Spirenses deo ibidem et dei genitrici virgini Marie servientes inde sustententur, videlicet ut predium et predii usus in necessaria victui fratribus ministretur, abbatissa vero in Eschinewage monialibus constituenda a manu episcopi Spirensis, quicunque sit, constituatur, et cetera omnia ad usum fratrum Spirensis ecclesie prefato consilio, non vi episcopi disponatur. | Dispositio |
| Cuius tradicionis testem cartam presentem scribi iussimus, quam propria manu nostra, ut infra videri potest, corroboratam et sigilli nostri impressione insignitiam omnis generacionis tam future quam presentis noticie reliquimus. | Corroboratio |
| Signum domni Heinrici quarti regis invictissimi. | Signumzeile |
| Adalbero cancellarius vice Sigefridi archicancellarii recognovi. | Rekognition |
| Anno dominice incarnacionis MLXXIIII, indictione XIIII data, anno autem ordinationis domni H. quarti regis XXI, regni vero XVIIII actum; | Datierung |
| feliciter amen. | Apprecatio |