Ladenburg 1061 November 25.
|
|
78:
Heinrich bestätigt der bischöflichen Kirche zu Speyer die Immunität. Ladenburg 1061 November 25. |
| In nomine sanctae et individuae trinitatis. | Invocatio | |
| Heinricus divina favente clementia rex. | Intitulatio | |
| Si petitionibus sacerdotum, quas nostris auribus infuderint, pro utilitatibus suis et ecclesiarum suarum aliquid accommodaverimus, id procul dubio et ad presentis vite statum et eternitatis beate premia capessenda credimus nobis profuturum. | Arenga | |
| Quapropter noverit omnium fidelium nostrorum tam presentium quam et futurorum industria, | Publicatio | |
| qualiter nos ob amorem dei et venerationem beate dei genitricis Mariae ac per interventum dilectissime genitricis nostre Agnetis imperatricis auguste nec non et pro remedio anime antecessorum et parentum nostrorum, videlicet avi nostri Chvonradi et avie nostre Gislae, immo etiam patris nostri dive memorie Heinrici imperatorum augustorum Einhardo fideli nostro Spirensis ecclesie episcopo renovari et rescribi per regalem nostram munificentiam iubemus | Narratio | |
| quoddam preceptum, quod piissimus beate memorie prefatus genitor noster Heinricvs imperator augustus eidem Spirensi ecclesie suique provisoribus, videlicet episcopis donavit et sicut alii anteccessores sui reges vel imperatores concessit, hoc est, ut nullus dux sive comes vel aliquis publicus iudex vel ullus ex iudiciaria potestate aut aliqua cuiuslibet potestatis ignota persona, nisi solus episcopus et advocati ipsius Spirensis ecclesie ex iussione et concessione nostra deinceps potestatem habeat pro quocumque negotio vel pro aliqua re parva aut magna placitum retinere seu publicum iudicium facere infra civitatem Spira seu Nemeta vocatam aut in circuitu extra civitatem, id est in villa Spira et in marcha, que eidem urbi adiacens est, sive in aliis eius pertinentiis aut aliquid per regalem bannum in usum nostri successorumque nostrorum exigere neque aliquid de prediis vel de moneta seu theoloneo vel ex ulla re in fiscum regium transferre. Nec ullus hominum ex fidelibus sancte dei ecclesie ac nostris in ecclesiis aut locis aut agris seu in reliquis possessionibus prefate ecclesie, quas iure possidere videtur in quibuslibet pagis vel territoriis, vel quicquid ibidem propter divinum amorem et venrationem beate Mariae collatum fuerit ad causas audiendas vel freda exigenda aut mansiones vel paratas faciendas aut fideiussores tollendos aut ullas redditiones vel illicitas occasiones requirendas aut homines ipsius ecclesie tam ingenuos quam servos et mundilingos iuste vel inuste constrigendos ullo unquam tempore inire audeat vel ea que supra memorata sunt penitus exigere aut exactitare presumat; sed liceat ibidem deo famulantibus sub nostre immunitatis tuitione quieto ordine vivere ac residere, quatinus melius illos delectet omni tempore pro nobis atque stabilitate totius regni a deo nobis collati domini misericordiam exorare. | Dispositio | |
| Et ut hec nostre concessionis auctoritas stabilis et inconvulsa permaneat, hanc nostri precepti paginam manu propria roborantes nostre imaginis sigillo inprimi iussimus. | Corroboratio | |
| Signum domni Heinrici quarti regis. | Signumzeile | |
| Fridericus cancellarius vice Sigifridi archicancellarii recognovit. | Rekognition | |
| Data VII kal. decembris anno incarnationis dominice MLXI, indiccione XV, anno autem ordinationis domni Heinrici quarti regis VIII, regni vero VI; actum Lovetenbvrg; | Datierung | |
| feliciter amen. | Apprecatio |