| In nomine sancte et individue trinitatis. | Invocatio |
| Heinricus divina favente clemencia rex. | Intitulatio |
| Notum sit omnibus Christi nostrique fidelibus tam futuris quam presentibus, | Publicatio |
| qualiter nos pro remedio anime patris nostri Heinrici secundi Romanorum imperatoris augusti et ob interventum dilecte matris nostre Agnetis imperatricis auguste fideli nostro Cunrado Spirensi episcopo venerabili et ecclesie, cui ipse deo donante presidet, | Narratio |
| abbaciam nomine Suarzaham sitam in pago Mortenowa in comitatu Beretholdi comitis cum omnibus ad eandem pertinentibus, id est cum areis edificiis utriusque sexus mancipiis ecclesiis decimacionibus villis agris terris cultis et incultis pratis pascuis campis silvis venacionibus aquis aquarumque decursibus molis molendinis piscacionibus exitibus et reditibus viis et inviis quesitis et inquirendis seu cum omni iure et utilitate, que ad eandem lagaliter pertinet, in proprium tradidimus condonavimus confirmavimus, ea quoque racione ut prefatus episcopus successoresque illius de supra dicta abbacia liberam deinceps potestatem habeant tenendi dandi precariandi vel quicquid illis ad usum ecclesie placuerit inde faciendi. | Dispositio |
| Et ut hec nostra regalis tradicio stabilis et inconvulsa omni permaneat evo, hanc cartam inde conscriptam manu propria, ut infra videtur, corroborantes sigilli nostri impressione iussimus insigniri. | Corroboratio |
| Signum domni Heinrici quarti regis. | Signumzeile |
| Winitherius cancellarius vice Liutbaldi archicancellarii et archiepiscopi recognovi. | Rekognition |
| Data IIII idus oct anno dominice incarnacionis MLVII, indictione X, anno autem domni Heinrici quarti regis ordinationis tercio, regni primo; actum Spire; | Datierung |
| in dei nomine feliciter amen. | Apprecatio |