| In nomine sancte et individue trinitatis. | Invocatio |
| Heinricus divina favente clemencia rex. | Intitulatio |
| Cum bonum ad omnes, maxime autem ad domesticos fidei iubeamur operari, vere confidimus in deo, si quid boni in fideles Christi vel ecclesias dei operamur, inde nos eterna mercede remunerari. | Arenga |
| Quare omnibus Christi nostrique fidelibus tam futuris quam presentibus notum esse volumus, | Publicatio |
| qualiter nos pro remedio animarum beate memorie parentum nostrorum Cunradi et Gisele nec non et patris nostri Heinrici Romanorum scilicet imperatorum augustorum ob interventum dilecte matris nostre Agnetis imperatricis et ob fidele servicium dilecti nostri Cunradi sancte Spirensis ecclesie venerabilis episcopi | Narratio |
| quoddam predium Ebbingun nominatum in pago Chreihgouwe in comitatu Engelberti comitis situm ad altare in honore sancte dei genitricis Marie in prefata ecclesia dedicatum cum omnibus appendiciis suis, areis scilicet edificiis utriusque sexus mancipiis terris cultis et incultis viis et inviis exitibus et reditibus quesitis et inquirendis pascuis compascuis aquis aquarumve decursibus molis molendinis piscationibus silvis venacionibus et cum omni utilitate, que ullo modo inde poterit provenire, donavimus atque in proprium tradidimus, eo videlicet tenore ut quisquis fratrum deo ibidem serviencium est prepositus, liberam deinceps habeat potestatem predium predictum obtinendi commutandi precariandi vel quidquid sibi collibuerit, quod ad communem fratrum utilitatem pertineat, inde faciendi. | Dispositio |
| Et ut hec nostre auctoritatis tradicio stabilis et inconvulsa omni evo permaneat, hanc cartam inde conscriptam manu propria confirmantes sigilli nostri impressione iussimus insigniri. | Corroboratio |
| Signum domni Heinrici quarti regis invictissimi. | Signumzeile |
| Winitherius cancellarius vice Liutpaldi archicancellarii recognovi. | Rekognition |
| Data Non. aprilis anno dominice incarnationis MLVII, indictione X, anno autem domni Heinrici regis ordinationis eius tercio, regni vero primo; actum Wormacie; | Datierung |
| in nomine domini feliciter amen. | Apprecatio |