8.jpg
8
Heinrich schenkt der bischöflichen Kirche zu Speyer das Gut
(Nieder-)Bühl mit der Auflage, daß aus dessen Einkünften am Grabe Kaiser
Heinrichs III. eine ewige Lampe unterhalten werde.
Worms 1057 April 5.
In nomine sanctae et individuae trinitatis.
Heinricus divina favente clementia rex.
Omnium Christi nostrique fidelium tam futurum quam presentium
industria noverit,
qualiter nos pro remedio animarum beate memorie parentum
nostrorum Chonradi et
Gisele nec non et patris
nostri Heinrici
Romanorum scilicet imperatorum augustorum ob interventum dilecte matris
nostre Agnetis
imperatricis auguste et ob fidele servitium dilecti nostri Chonradi sancte Spirensis aecclesie
venerabilis episcopi
quoddam predium Puhile nominatum in pago Vfgouue in comitatu Reginpodonis
comitis situm ad altare in honore sancte dei genitricis Mariae in prefata aecclesia
dedicatum cum omnibus appendiciis suis, areis scilicet aedificiis
utriusque sexus mancipiis terris cultis et incultis viis et inviis
exitibus et reditibus questis et inquirendis pascuis compascuis
aquis aquarumve decursibus molis molendinis piscationibus silvis
venationibus et cum omni utilitate, que ullo modo inde poterit
provenire, donavimus atque in proprium tradidimus, ea videlicet
conditione ut ex eodem predicto predio ad patris nostri Heinrici imperatoris scilicet augusti
sepulchrum lumen administretur, per quod sibi nobisque indeficiens
preparetur.
Et ut hec nostre auctoritatis traditio stabilis
et inconvulsa omni evo permaneat, hanc kartam inde conscriptam
manu propria confirmantes sigilli nostri impressione iussimus
insigniri.
Signum domni Heinrici quarti regis invictissimi.
Uuinitherius cancellarius vice Liutpaldi archicancellarii
recognovi.
Datas nonas apr. anno dominice incarnationis MLVII,
indictione X, anno autem domni Heinrici quarti regis ordinationis eius
tertio, regni vero primo; actum Wormatie;
in nomine domini feliciter amen.